A+ R A-
27 مئی 2017
RSS Facebook Twitter Linkedin Digg Yahoo Delicious

Ads1

قومی خبریں

قومی خبریں (18)

قومی خبریں

لاہور(مانیٹرنگ ڈیسک) صوبائی دارلحکومت میں قلعہ گجرسنگھ پولیس لائنز  اور سکول کے قریب ہوٹل کے باہر دھماکے سے 8افراد شہید اور کئی زخمی ہوگئے جنہیں ہسپتال منتقل کردیاگیا اور ہسپتالوں میں ایمرجنسی نافذ کردی گئی جبکہ پولیس لائنز کے اندر سے فائرنگ کی آوازیں سنی گئیں۔پولیس نے شبہ ظاہر کیاکہ یہ خود کش حملہ ہوسکتاہے ، دہشتگرد نے پولیس لائنز کے اندر داخلے میں ناکامی پر خود کو باہر پارکنگ میں ہی اُڑالیا ، مبینہ حملہ آور ریلوے سٹیشن کی طرف سے آیا اور ہوٹل کے باہر خود کو اُڑا لیا تاہم حتمی طورپر نوعیت کے بارے میں ابھی کچھ نہیں کہا جا سکتا۔دوسری طرف سی سی پی او لاہور کاکہناتھاکہ یہ نصب شدہ بم کا دھماکہ تھا۔


 عینی شاہدین کے مطابق ایک گاڑی میں بارودی مواد نصب کیاگیاتھا جس کے دھماکے کے بعد دھویں کے کالے بادل اُٹھتے کھائی دیئے جبکہ چارلاشیں ایک ہی گاڑی سے نکالی گئیں۔بتایاگیاہے کہ دھماکے کے فوری بعد پولیس لائنز کے دروازے بند کردیئے گئے ہیں جبکہ کم ازکم چارگاڑیوں میں آگ لگ گئی،دیگر کئی گاڑیوں کے شیشے ٹوٹ گئے ، موٹرسائیکلوں کو بھی نقصان پہنچاجبکہ شہیدوزخمی ہونیوالوں میں کوئی پولیس اہلکار شامل نہیں ۔
نجی ٹی وی چینل کے مطابق ایک شخص گاڑی سے اُترااوراُس کے ساتھ ہی دھماکہ ہوگیا جس کے بعد دھماکے کے علاقے میں پولیس نے شامیانے لگادیئے اور میڈیا کا داخلہ بھی بند کردیا۔
ڈی آئی جی آپریشنز نے دھماکے میں تین افراد کی ہلاکت کی تصدیق کردی ہے جبکہ پولیس لائنز کے اندر سے بھی فائرنگ کی آوازیں بھی سنی گئیں ۔
 دھماکے کے بعد ایمبولینسیں اور پولیس کی بھاری نفری طلب کرلی گئی اور سیکیورٹی فورسز نے آمدورفت کے لیے سڑکیں بند کرکے علاقے کو گھیرے میں لے لیا۔دھماکے کے بعد لاہوربھر میں سیکیورٹی ہائی الرٹ کردی گئی ۔

میو ہسپتال انتظامیہ کے مطابق اُنہوں نے ریڈ الرٹ جاری کرکے انتظامات مکمل کرلیے ہیں۔

دھماکے کے اطلاع ملتے ہی قریبی سکول میں زیرتعلیم بچوں کے ورثاء کی بڑی تعداد موقع پر پہنچ گئیں ، خواتین روتی چلاتی موقع پر پہنچیں لیکن  سکول کے دروازے بند کردیئے گئے ہیں ۔

خیبر ایجنسی( مانیٹرنگ ڈیسک ) سیکورٹی فورسز نے سرچ آپریشن کے دوران امامیہ مسجد پر خود کش حملہ کرنے والے مبینہ دہشت گرد گرفتار کر لیے۔تفصیلات کے مطابق گزشتہ روز امام بارگاہ امامیہ مسجد میں خود کش حملہ کرنے والے دہشت گردوں کو گرفتار کر لیا۔خیبر ایجنسی میں سیکورٹی فورسز نے سرچ آپریشن کے دوران 6 دہشت گرد گرفتار کیے ہیں جن میں سے 2 دہشت گردوں پر امامیہ مسجد پر خود کش حملہ کرنے والوں کے سہولت کار تھے جبکہ ایک دہشت گرد پر مالی معاونت کا الزام بھی ہے۔سیکورٹی ذرائع کے مطابق گرفتار دہشت گردوں کو نامعلوم مقام پر منتقل کر دیا گیا ہے

کراچی(مانیٹرنگ ڈیسک) پرویز مشرف اہلیت کیس میں سندھ ہائی کورٹ نے تفصیلی فیصلہ جاری کر دیا ہے جس کے مطابق پر ویز مشرف کو اسمبلی رکنیت سے نا اہل قرار دےدیا گیا ہے۔تفصیلات کے مطابق پرویز مشرف اہلیت کیس کی سماعت جسٹس مقبول باقر کی سرباراہی میں تین رکنی بنچ نے کی جس نے اپنے تفصیلی فیصلے میں پرویز مشرف نے اسمبلی رکنیت کیلئے نا اہل قرار دے دیا ہے۔جسٹس مقبول باقر کاکہنا تھا کہ پرویز مشرف با کردار نہیں ہیں اور آئین کے آرٹیکل 62,63 پر پورا نہیں اترتے اس لیے انہیں اسمبلی رکنیت کیلئے اہل قرار نہیں دیا جا سکتا۔

اسلام آباد(مانیٹرنگ ڈیسک) سینیٹ الیکشن کے بعد تحریک انصاف نے جموں و کشمیر کے ضمنی انتخابات میں بھی حصہ لینے کافیصلہ کر لیا ہے۔تفصیلات کے مطابق تحریک انصاف کی ترجمان شیریں مزاری کاکہنا تھا کہ مسلم لیگ ن جموں وکشمیر میں انتخابات کروانے سے گھبراتی ہے ہماری پارٹی جموں وکشمیر میں حکومت بنانے میں کامیاب ہو جائے گی ۔شیریں مزاری کا سینیٹ انتخابات پر کہنا تھا کہ سینیٹ انتخابات کیلئے تحریک انصاف کے امیدواروں کاانتخاب میرٹ پر ہواہے۔شیریں مزاری کا مزید کہنا تھا کہ نواز شریف کو دھرنا فوبیہ ہو گیا ہے اور دھرنے کی وجہ سے ہی پٹرول کی قیمتیں کم ہوئیں ۔

لاہور(مانیٹرنگ ڈیسک)وزیراعظم نوا ز شریف نے کہاہے کہ میڈیا محاسبہ کرے تو پاکستان جمہوریت کے راستے سے نہیں ہٹے گا، میڈیا کا کردار درھرنا سیاست میں اتنا قابل تحسین نہیں ،ہم خود جکڑ ے گئے پر میڈیا کی آزادی کو نہیں جکڑا,پاکستان کے کچھ معاملات میں غیر ملکی ہاتھ کو خارج ازامکان قرار نہیں دیا سکتا۔سی پی این کی تقریب سے خطاب کرتے ہوئےوزیر اعظم نے کہاکہ میڈیا نے دھرنے کے دوران میرے مستعفی ہونے کی خبریں بھی چلائیں لیکن صبر و تحمل کا دامن نہیں چھوڑا اور سب کچھ برداشت کرتے رہےاور نہ ہی میڈیا کی آزادی پر کوئی آنچ آنے دی۔انہوں نے کہاکہ کچھ ایسے بھی صحافی ا ن کے سامنے بیٹھے ہیں جنہوں نے مشرف کے مارشل لاءکو سپورٹ کیا لیکن کچھ ایسے صحافی بھی ہیں جنہوں نے اس کو سپورٹ نہیں کیاہےاور قانون کے دامن کو تھامے رکھا،اگر میڈیا محاسبہ کرے تو پاکستان میں جمہوریت کبھی بھی ڈیل نہیں ہو گی۔

نواز شریف نے کہاکہ میڈیا خواہ مخواہ کسی کی پگڑی نہ اچھالے بلکہ سچ کا دامن تھامے رکھے اور ظلم کیخلاف آواز بلند کرتا رہے ۔کچھ ایسے معاملات ہوتے ہیں جس میں میڈیا اکھٹا ہو جاتاہے لیکن کچھ ایسے بھی معاملات ہوتے ہیں جن میں میڈیا اکھٹا نہیں ہوتا ۔انہوں نے کہاکہ نے اس موقع پر دھرنا سیاست نے ملک کو شدید نقصان پہنچایا جس کے باعث روپے کی قدر میں کمی آئی دوسر ا یہ کہ چینی صدر کا دورہ پاکستان ملتوی ہو گیاہے اور دنیا میں پاکستان کے امیج پر اثر پڑا جو کہ انتہائی قابل افسوس بات ہے ۔
وزیراعظم نے کہا کہ پاکستان اس وقت مشکل دور سے گزر رہاہے ،پاکستان میں سب بڑا آپریشن دہشت گردی کیخلاف چل رہاہے جس میں تمام سیاسی جماعتوں نے اختلافات بھلا کر اپنے تعاون کی یقین دہانی کرائی اور ایک پلیٹ فارم پر اکٹھا ہوئے لیکن اب میڈیا کو بھی اس میں اپنا کردار ادا کرناہے اور پاکستان کیخلا ف اٹھنے والی ہر آواز کو پسپا کرنا ہے ۔
نواز شریف نے کہاکہ وزارت عظمی کوئی پھولوں کا سیج نہیں ہے اور نہ ہی اس پر بیٹھنا اتنا آسان لیکن قوم کی بہتری کے لیے یہ ذمہ داری قبول کی اور بھرپور کوشش کر رہے ہیں کہ پاکستان کے سنگین مسائل کو اسی دور حکومت میں حل کیا جائے ۔انہوں نے کہاکہ ایل این جی کے ذریعے 2017میں 3600میگاواٹ بجلی پیدا کی جائے گی جس سے ملک میں جاری توانائی بحران ختم کرنے میں بہت زیاد مدد ملے گی۔
ان کا کہناتھاکہ اگر وہ کسی کو پسند نہیں ہیں تو اس کا مطلب یہ نہیں ہے کہ وہ مجھ پر الزام لگانا شروع کردے، میں یہ نہیں سمجھتا کہ یہ کوئی مناسب بات ہے اور اس طرح کے الزامات لگانا میڈیا کو زیب نہیں دیتا ۔انہوں نے کہا انہوں نے اللہ سے وعدہ کیا تھا کہ کبھی کسی کی غیبت نہیں کروں گا اور آج تک اپنی بات پر قائم ہوں ۔

ایک سوال کے جواب میں نوازشریف نے کہا کہ سانحہ بلدیہ ٹاﺅن کے قصور وار کا تعلق کسی بھی جماعت سے ہو انصاف کے تقاضے پورے کے جائیں گے ۔انہو ں نے کہاکہ پاکستان کے معاملا ت میں غیر ملکی ہاتھ کو خارج ازامکان قرار نہیں دیا جاسکتا ،بعض معاملات میں غیر ملکی ہاتھ ہونے کے شواہد بھی ملے ہیں ۔

اس موقع پر  سی پی این ای (کونسل آف نیوزپیپرز ایڈیٹرز)کے صدر مجیب الرحمان شامی نے وزیراعظم نوازشریف کا تقریب میں شرکت پر شکریہ اداکرتے ہوئے کہاکہ گزشتہ دو سالوں میں جب سے وزیراعظم صاحب نے منصب سنبھالہ ہے میڈیاپر کوئی سلب نہیں آئی ،آپ نے میڈیا کی آزادی کے لیے بہت کچھ کیا۔انہوں نے کہاکہ ماضی میں بار بار آئین کی پامالی کے باعث ملک کو دہشت گردی اور انتہا پسندی جیسے مسائل درپیش ہیں لیکن وزیراعظم نواز شریف کے دہشت گردی کیخلاف اقدامات قابل تحسین ہیں ۔انہوں نے کہاکہ آپ کی کوششوں سے ملکوں میں بہت زیادہ خوشحالی آئی ہے اس میں کوئی شک نہیں ہے، لیکن گورننس کی شفافیت کے حوالے سے کافی شکایات ملتی نظر آتی ہیں اور وزراءبھی بطور ٹیم کام کرتے نظر نہیں آتے اور حالیہ پٹرول بحران میں یہ باتیں کھل کر سامنے آئیں۔
روز نامہ پاکستان کے ایڈیٹر انچیف اورسی پی این ای کے صدرسینئر صحافی مجیب الرحمان شامی نے کہاہے کہ آپ کی حکومت نے کراچی میں امن اور کراچی کی روشنیاں بحال کرنے کے لیے جو اقدامات کیے ہیں وہ انتہائی قابل تحسین ہیں ۔انہوں نے کہاکہ آپ کی حکومت سے پہلے 15سالوں میں کسی نے بھی دہشت گردوں کا خاتمہ کرنے کے لیے ایکشن پلان نہیں بنایا اور یہ اعزاز بھی آپ کو ہی حاصل ہوا۔

بنوں (نیوز ڈیسک) آپریشن ضرب عضب کو شروع ہوئے تقریباً ایک ماہ ہونے کو ہے ،اس آپریشن سے لاکھوں لوگ متاثر ہوئے ہیں لیکن ایک شخص ایسا بھی ہے جو کہتا ہے کہ اس آپریشن کا سب سے زیادہ نقصان اسے ہوا ہے اور اس کی چوتھی شادی تاخیر کا شکار ہو گئی ہے اور اب اس کے لئے اسے مزید انتظار کرنا پڑے گا۔ شمالی وزیرستان کے گاﺅں ساوا سے نقل مکانی کرنے والے شخص گلزار خان کا کہنا ہے کہ اس آپریشن کی وجہ سے وہ چوتھی شادی سے محروم ہوگیا ہے۔ 54 سالہ گلزار خان جس کے پہلے ہی 35 بچے اور 100 سے زائد پوتے، پوتیاں اور نواسے نواسیاں ہیں کا کہنا ہے کہ اس نے دن رات محنت کرکے چوتھی شادی کے لئے رقم بچائی تھی لیکن جب آرمی آپریشن کا آغازہوا تو مجبوراً اپنے اہل خانہ کے ساتھ نقل مکانی کرنا پڑی اور اس دوران بچائی گئی رقم خرچ ہوگئی۔ اس کا کہنا تھا کہ اس کی تینوں بیویوں نے چوتھی شادی کی اجازت دے دی ہے۔ گلزار خان کی پہلی شادی 17 سال کی عمر میں 14 سالہ کزن کے ساتھ ہوئی۔ صرف آٹھ سال بعد اس نے دوسری شادی کی۔ اس نے تیسری شادی اپنے بھائی کی بیوی کے ساتھ کی کیونکہ وہ شادی کے صرف ایک ہفتے بعد بیوہ ہوگئی تھی۔ گلزار خان نے تقریباً 16 سال دبئی میں ٹیکسی بھی چلائی اور خوب مال بنایا۔ اس کا کہنا ہے کہ اسے گناہ کی زندگی سے نفرت ہے لہٰذا وہ شادی کرکے اپنی جائز خواہشات پوری کرتا ہے۔

ضلع چارسده کی بلند پایه اور پشتو زبان کی قومی شاعر عنایت الله گران صاحب بقضائے الهی وفات پاگئے. چارسده ڈاٹ نٹ کی ٹیم ان کے غم میں برابر کی شریک هے. اور الله تعالی سے دعاگو هے که مرحوم کو جنت الفردوس میں مقام نصیب کرے. آمین.

امر تسر: پاکستان میں آلو کی قلت پوری کرنے کے لیے روزانہ 2 ہزار ٹن آلو پاکستان بر آمد کیا جاتا ہے۔

 

بھارتی نیوز ایجنسی ڈی این اے کی رپورٹ کے مطابق امر تسر سے تعلق رکھنے والے کاشتکاروں نے بتایا ہے کہ پاکستان کے کئی شہروں میں اس وقت آلو کی انتہائی قلت پائی جاتی ہے جس کے باعث اٹاری واہگہ کے ذریعے پاکستان کو روزانہ کی بنیاد  پر 15 سو سے 2000 ٹن آلو بر آمد کیے جا رہے ہیں جس کے لیے پاکستانی حکومت نے ڈیوٹی کی چھوٹ دے رکھی ہے۔

 

انہوں نے کہا کہ 70 سے 80 ٹرک روزانہ پاکستان بھیجے جاتے ہیں، بھارتی آلو برآمد کنندگان کا کہنا ہے کہ پاکستان میں رواں سال آلوؤں کی انتہائی قلت ہے اور ژالہ باری اور سخت ٹھنڈ  کے باعث آلوؤں کی فصل  سردیوں میں مکمل تباہ ہو گئی تھی۔ انہوں نے کہا کہ پاکستان سے ایک سال کے وقفے کے بعد آلو کی بر آمد کا آرڈر دیا گیا۔ بھارتی پنجاب اور ہریانہ میں آلو کی قیمت 25 سے 30 روپے ہے جبکہ پاکستان میں یہ 100 روپے سے زیادہ میں فروخت ہو رہا ہے۔

اسلام آباد: فیڈرل بورڈ آف ریونیو(ایف بی آر)کی طرف سے عائد کردہ ایک فیصد اضافی ٹیکس اور دو فیصد مزید ٹیکس کی مد میں اربوں روپے کی ٹیکس چوری کا انکشاف ہوا ہے۔

 

اس ضمن میں ’’ایکسپریس‘‘ کو دستیاب دستاویز کے مطابق فیڈرل بورڈ آف ریونیو نے کروڑ روپے کی ٹیکس چوری میں ملوث 28 کمپنیوں کا سُراغ لگالیا ہے جبکہ باقی ٹیکس چوروں کے خلاف تحقیقات جاری ہیں۔ ایف بی آر کے سینئر افسر کا کہنا ہے کہ گزشتہ مالی سال 2013-14 میں صرف اپریل تا مئی کے دوران اضافی ٹیکس اور مزید ٹیکس کی مد میں اربوں روپے کی ٹیکس چوری ہوئی ہے اور ایف بی آر کا ڈائریکٹوریٹ انٹرنل آڈٹ ان ٹیکس چوروں کا سُراغ لگارہا ہے۔

مذکورہ افسر نے بتایا کہ صرف لاہور کے ایک حصے کے ٹیکس دہندگان کے ٹیکس آڈٹ کے دوران ساڑھے چار کروڑ روپے سے زیادہ کی ٹیکس چوری پکڑی گئی ہے تاہم اس حوالے سے ایکسپریس کو دستیاب دستاویز کے مطابق ایف بی آر کی طرف سے گزشتہ مالی سال میں فنانس ایکٹ 2013 کے ذریعے اضافی ٹیکس اور دو فیصد مزید ٹیکس عائد کیا تھا جبکہ یہ انکشاف ہوا ہے۔ دستاویز میں بتایا گیا ہے کہ ڈائریکٹوریٹ انٹرنل آڈٹ کی طرف سے ٹیکس دہندگان کے آڈٹ کے دوران بڑے پیمانے پر ٹیکس چوری سامنے آئی ہے۔

دستاویز کے مطابق گزشتہ مالی سال2013-14 میں صرف اپریل تا مئی کے دوران دو فیصد اضافی ٹیکس کی مد میں پانچ کروڑ37 لاکھ 53ہزار846 روپے کی ٹیکس چوری ہوئی ہے جبکہ چار کروڑ 88لاکھ 79ہزار23روپے کی اضافی ٹیکس کی چوری ہوئی ہے۔

دستاویز کے مطابق ایڈوانس ٹیکس چوری میں ملوث کمپنیوں میں سے میسز ایف ایم سی یونائیٹڈ پرائیویٹ لمیٹڈ لاہور کی طرف سے دوکروڑ74 لاکھ 76ہزار539 روپے،میسز ڈیسکون کیمیکلز لاہور کی طرف سے ایک کروڑ79 لاکھ 24ہزار619 روپے، میسز فارس کمبائن مارکیٹنگ کمپنی پرائیویٹ لمیٹڈ لاہور کی طرف سے 63 لاکھ 98ہزار760 روپے،میسز برجر پینٹس پرائیویٹ لمیٹڈ کی طرف سے سات لاکھ ہزار 52 روپے، میسز سُپریم پائوڈر کوٹنگز پرائیویٹ لمیٹڈ لاہورکی طرف سے تین لاکھ 4ہزار142روپے، میسز ماسٹر پینٹ انڈسٹریز لاہورکی طرف سے دو لاکھ 82ہزار 125روپے،میسز رائل پینٹ انڈسٹریز لاہورکی طرف سے ایک لاکھ 82ہزار 410روپے،میسز برائیٹو مینٹس پرائیویٹ لمیٹڈ لاہورکی طرف سے ایک لاکھ53 ہزار962روپے، میسز رفیق پولیمر لاہور کی طرف سے ایک لاکھ23 ہزار668روپے، میسز آمنہ کیمیکلز لاہور کی طرف سے55 ہزار651روپے،میسز اے اینڈ ایس انڈسٹریز لاہورکی طرف سے 43 ہزار301روپے،میسز ریپیڈ ایمپکس کارپوریشن لاہور کی طرف سے 37 ہزارسات روپے اور میسز ڈروک پینٹس کی طرف سے 13 ہزار937روپے کی ٹیکس چوری کی گئی ہے۔

جبکہ ایک فیصد مزید ٹیکس چوری کرنے والوں میں سے میسز ایف ایم سی یونائیٹڈ پرائیویٹ لمیٹڈ لاہور کی طرف سے ایک کروڑ 50لاکھ 98 ہزار 657 روپے، میسز ایکزو نوبل پاکستان لمیٹڈ لاہور کی طرف سے ایک کروڑ13 لاکھ97 ہزار681روپے،میسز کانسائی پینٹس پرائیویٹ لمیٹڈ کی طرف سے 86 لاکھ57 ہزار8روپے،میسز برجر پینٹس پرائیویٹ لمیٹڈ کی طرف سے 75لاکھ 55 ہزار 925روپے،میسز ماسٹر پینٹ انڈسٹریز پرائیویٹ لمیٹڈ لاہور کی طرف سے 32 لاکھ 33ہزار467روپے،میسز برائیٹو پینٹس پرائیویٹ لمیٹڈ لاہور کی طرف سے 23 لاکھ 17ہزار153روپے،میسز اتحاد کیمیکلز لمیٹڈ لاہور کی طرف سے دو لاکھ 89ہزار413روپے،میسز منصور پینٹ انڈسٹریز پرائیویٹ لمیٹڈ لاہور کی طرف سے ایک لاکھ 16 ہزار 681روپے،میسزچیمپیئن پینٹ انڈسٹریز پرائیویٹ لمیٹڈ لاہور کی طرف سے 57 ہزار 548 روپے، میسز فارس کمبائن مارکیٹنگ کمپنی پرائیویٹ لمیٹڈ لاہور کی طرف سے 40 ہزار 234روپے جبکہ میسز سٹا پینٹ انڈسٹری پرائیویٹ لمیٹڈ کی طرف سے 38 ہزار646روپے کی ٹیکس چوری کی گئی ہیں۔

اسلام آباد(مانیٹرنگ ڈیسک) جہلم کے قریب پاکستان کی تاریخ کاسب سے بڑاتیل کا ذخیرہ دریافت ہوا ہے جس سے روزانہ ساڑھے پانچ ہزار بیرل تیل کی پیداوار کاامکان ہے ۔

 

میڈیا رپورٹ کے مطابق وزارتِ پٹرولیم کے ساتھ غوری جوائنٹ وینچر پر کام کرنیوالی کمپنی مری پٹرولیم کمپنی لمیٹڈ (ایم پی سی ایل) نے باضابطہ طور پر اعلان کیا کہ گاﺅں دھیمک میں غوری ایکس ون کے تیل کے کنویں سے پٹرول کا ایک اہم ذخیرہ دریافت ہواہے جس سے علاقے میں ہائیڈروکاربن کے ذخائر کی تلاش کے لیے راستہ کھل گیا ہے اورغوری X-1 نامی کنویں کے حوالے سے لگائے گئے پیداواری تخمینے کے مطابق یہاں سے 5,500 بیرل تیل روزآنہ حاصل ہوسکے گااور توقع کی جارہی ہے کہ یہ ملک بھر میں تیل کی پیدوار کا سب سے بڑا کنواں ثابت ہوگا جس سے رواں ماہ کے آخر تک پیداوار بھی شروع ہوجائے گی ۔

 

کمپنی کاکہناہے کہ 3800 میٹر گہرے غوری کنویں سے ہمیں ایک تاریخی کامیابی حاصل ہوئی، یہ پوٹھوہارکے سطح مرتفع کے خطے میں ہائیڈروکاربن کے ذخیرے کی پہلی دریافت ہے۔غوری X-1 کے کنویں سے حاصل ہونے والے تیل کی اے پی آئی گریویٹی 22ڈگری ،1100 پی ایس آئی اور کنویں کا گیج یا چوک سائز 32/64 ہےجبکہ وادی سون سکیسر میں اس کے بہاو¿ کی شرح پانچ ہزار پانچ سو بیرل روزانہ ہے۔واضح رہے کہ 22 ڈگری کی اے پی آئی گریویٹی کا خام تیل ایک بھاری خام تیل مانا جاتا ہے۔مذکورہ کمپنی دھیمک آئل فیلڈ سے جی ٹی روڈ پر سوہاوہ کے قریب ایک فلنگ پوائنٹ تک چودہ کلومیٹر طویل پائپ لائن بچھائے گی تاکہ وہاں سے ٹینکرز کے ذریعے اٹک ریفائنری کو تیل کی ترسیل کی جاسکے۔

صفحہ 1 کا 2

چارسده فیس بک پر لائک کریں

چارسده فوٹو گیلری

Advertisement